ළමා ආරක්ෂණ නීති සහ ආරක්ෂිත ක්රමවේද දැඩි ලෙස උල්ලංඝනය කිරීම හේතුවෙන් Victoria ප්රාන්තයේ Ignite Minds ආයතනය යටතේ පවත්වාගෙන ගිය පවුල් පාදක ළමාරක්ෂක මධ්යස්ථාන 65ම වහාම ක්රියාත්මක වන පරිදි වසා දැමීමට එරට බලධාරීන් නියෝග කර තිබෙනවා.
Victoria ළමා මුල් ළමාවිය සංවර්ධන නියාමන අධිකාරිය විසින් සිදුකළ හදිසි පරීක්ෂාවන්වලදී, කුඩා දරුවන් අධීක්ෂණයකින් තොරව සිටීම, ආරක්ෂිත නොවන නින්දට සුදුසු තත්ත්වයන් පැවතීම, විෂ ද්රව්ය අරක්ෂිත නොවන ලෙස තබා තිබීම සහ අනාරක්ෂිත වටපිටාවන් පවත්වාගෙන යාම ඇතුළු බරපතල අඩුපාඩු රැසක් අනාවරණය වී තිබෙනවා.
ඒ අනුව අදාළ ආයතනයේ ලියාපදිංචිය දින 90ක කාලයකට තහනම් කිරීමට බලධාරීන් පියවර ගෙන ඇති අතර, දරුවන්ගේ ආරක්ෂාව සම්බන්ධයෙන් කිසිදු ලෙසකින් සම්මුතිවලට එළඹිය නොහැකි බවයි නියාමන බලධාරීන් අවධාරණය කරන්නේ.
