ලබන නොවැම්බර් මාසයේ පැවැත්වීමට නියමිත ප්රාන්ත මැතිවරණයෙන් නැවත බලයට පත්වුවහොත්, අතිරේක පොලිස් නිලධාරීන් 1,500 දෙනෙකු බඳවා ගැනීමට සහ Melbourne හි south-west ප්රදේශයේ අලුතින් පොලිස් පුහුණු ඇකඩමියක් ඉදිකිරීමට Labor පක්ෂය පොරොන්දු වී තිබෙනවා.
මෙමඟින් Victoria හි සමස්ත පොලිස් බලකාය 17,000 ඉක්මවන සංඛ්යාවක් දක්වා ඉහළ නැංවීමටයි සැලසුම් කර ඇත්තේ. ප්රාන්ත අගමැති Ben Carroll සඳහන් කළේ, පොලිස් සේවයට එක්වීමට විශාල පිරිසක් ඉල්ලුම් කළද, දැනට Melbourne හි south-east හි පිහිටි Glen Waverley හි ඇති එකම ස්ථිර ඇකඩමිය තුළ ඉඩකඩ ප්රමාණවත් නොවීම බාධාවක් වී ඇති බවයි.
Wyndham ප්රදේශයේ ඉදිවන මෙම නව පුහුණු මධ්යස්ථානය මඟින් නවක නිලධාරීන්ට තම ප්රදේශයට ආසන්නව පුහුණුව ලැබීමට අවස්ථාව හිමිවන අතර, එය රාජකාරි සඳහා නිලධාරීන් ඉක්මනින් යෙදවීමටද පහසුවක් වනු ඇති.
