Victoria ප්රාන්තයේ ඉදිකිරීම් ක්ෂේත්රයේ සිදුවන දූෂණ හා අක්රමිකතා පිළිබඳව පරීක්ෂණ පැවැත්වීමට නියමිත Royal Commission පරීක්ෂණය සම්බන්ධයෙන් ඕස්ට්රේලියාවේ ප්රකට මධ්යස්ථකරුවෙකු (Mediator) වන Mick Gatto අවධානයට යොමු වී තිබෙනවා.
මීට පෙර පැවැති පරීක්ෂණ වාර්තාවල දැක්වෙන්නේ, Mick Gatto විසින් CFMEU වෘත්තීය සමිතිය සමඟ පවතින සබඳතා භාවිත කරමින් ඉදිකිරීම් අඩවි වසා දමන බවට තර්ජනය කර, ඉදිකිරීම් සමාගම්වලින් වසරකට ඩොලර් මිලියන ගණනක මුදල් ලබාගෙන ඇති බවයි. කෙසේ වෙතත්, 71 හැවිරිදි Mick Gatto මෙම චෝදනා සියල්ල පූර්ණ ලෙස ප්රතික්ෂේප කරන අතර, තමන් සිදු කරන්නේ නීත්යානුකූල ව්යාපාරික ආරවුල් නිරාකරණය කිරීමක් පමණක් බව පවසනවා.
ඉදිරියේදී ආරම්භ වීමට නියමිත රාජකීය කොමිෂන් සභාව හමුවේ Victoria ප්රාන්තයේ "Big Build" රාජ්ය ව්යාපෘති සඳහා වෙන් කළ බදු මුදල් අවභාවිත වී තිබේද යන්නත්, Mick Gatto සහ CFMEU වෘත්තීය සමිතිය අතර පවතින සබඳතාවය පිළිබඳවත් දීර්ඝ ලෙස පරීක්ෂණ පැවැත්වීමට නියමිතයි.
